Një histori tepër të bujshme ka botuar revista e famshme politico.eu, ku bën të ditur se është zbuluar një duzinë spiunësh rusë në vendet kryesore të Europës, të cilët marrin informacion të dorës së parë nga qeveritë, por më e rëndësishmja: nga korporatat e naftës dhe të gazit.
Politico sjell historinë e një superspiuni rus në Spanjë
Alejandro Sánchez Valdezate ka udhëtuar rregullisht në aeroportin ndërkombëtar Madrid Barajas për biznes.
Agjentët nga Centro Nacional de Inteligencia, shërbimit spanjoll të sigurisë, erdhën në shtëpinë Valdezate për ta intervistuar. Asgjë nuk ra në sy.
Një burrë rreth 50-tave me mustaqe kishte bërë për pothuajse dy dekada, një jetë në dukje normale madrilene.
Ai merrej me konsulencë të besueshme të shërbimeve të biznesit të një kompanie të specializuar në “studime socio-ekonomike.” Ishte i fshehur me emrin Henry Frith, i cili kishte vdekur shumë vite më parë në Zelandën e Re.
Zbulimi i këtij fakti nxori në dritë gjithçka.
Frith fliste spanjisht me një theks latimo-amerikan dhe thoshte se ka lindur në Ekuador me babanë nga Zelanda e Re.
Sipas burimeve të inteligjencës perëndimore, ai vetëm konsulent nuk rezultoi.
Frith, ishte realisht Sergej Yuryevich Cherepanov në Rus, i lindur në vitin 1955 – dy vjet para lindjes së tij të dyshuar në Ekuador.
Në Moskë, Cherepanov kishte një grua, Olga Kapitanova Cherepanova, dhe një djalë, Andrei. Gjatë gjithë viteve që kaloi në Spanjë, ai shërbeu si oficer në SVR, kundërzbulimi rus.
“Henry Frith” ishte një alias për një spiun rus, një i ashtu-quajtur “ilegal” i cili ka jetuar për vite me radhë nën një “legjendë” të ndërtuar me kujdes – një identitet të rremë, të plotë me një histori të rreme dhe sfond.
Ai është i pari “ilegal” ndër një duzinë të janë zbuluar që nga fundi i Luftës së Ftohtë.
Shërbimet thonë se në Europë ka shumë si ai.
Kjo histori është e bazuar në intervista me burime europiane të inteligjencës, duke përfshirë dokumente dhe fotografi shqyrtuar nga Politico.
Marrëdhëniet mes Moskës dhe Perëndimit kanë shkuar nga bashkëpunimi i ruajtur në kundërshtim armiqësor, të nxitur nga presidenti rus Vladimir Putin, një ish-zyrtar i KGB-së, në fushën e veprimtarisë së inteligjencës.
Numri i spiunëve rusë që veprojnë në Evropë, është “afërsisht dyfishuar”, sipas ish-kreut të shërbimit të inteligjencës të një fuqi të madhe europiane, i cili shtoi se në çështje të tilla, “vlerësimet janë të vështira”.
“Rusët janë të angazhuar në fushata masive dhe janë të pangopur në zbulimin dhe mbledhjen e informative. Ata kanë buxhetet ende të konsiderueshme, si dhe përkrahen nga një kulturë e Kremlinit që e sheh spiunazhin si histori të rëndësishme shtetërore.
Mark Galeotti, një ekspert në çështjet e sigurisë ruse thekson se Europa gjithmonë e ka nënvlerësuar këtë fakt.
Gjashtë vjet pasi një grup prej 10 “ilegalësh” rus u zbulua në Shtetet e Bashkuara, vendimi nga shërbimet e sigurisë europiane për të publikuar rastin Frith-Cherepanov është i motivuar nga një dëshirë për të tërhequr vëmendjen në atë që një zyrtar e quan “rritjen dramatike” të aktivitetit të spiunazhit nga Kremlini në Europë.
Shërbimet e inteligjencës perëndimore janë të shqetësuar gjithashtu se një ose më shumë “illegalë” mund të kenë ndërtuar një karrierë brenda institucioneve qeveritare dhe ndërkombëtare.
BE dhe NATO ka ndërtuar një reputacion në vitet e fundit, si një çerdhe e spiunëve. “Ilegalët” janë shumë të vështirë të zbulohen nga agjencitë e kundërzbulimit.
Marrë nga Politico.eu
Përgatiti Ylli Pata- /tesheshi.com/
