Në ditë xhumaje, dites feste javore për muslimanët, siç është e premtja, kryeministri Rama jo ndoshta për këtë arsye, ka ofruar pamje nga puna restauruese e një prej xhamive më të famshme në Shqipëri, ajo e Plumbit në Shkodër.
“Disa fragmente të filmuara nga Xhamia e Plumbit në Shkodër, ku po vijojnë punimet për të rilindur këtë monument kulture të kategorisë së parë, një kryevepër arkitektonike me një origjinalitet mbresëlënës, e cilësuar si një ndër 50 xhamitë më të bukura të botës që ishte zhytur në llucën e harresës dhe do të kthehet në një ndër destinacionet më të vizituara të Shkodrës turistike”, shkruan ai, duke e parë këtë objekt monumental fetar dhe në funksion të turizmit. /tesheshi.com/
