Gana po përdor dronët Zipline me bazë në SHBA për të transportuar mostrat e provës së COVID-19 në mënyrë që të mund të testojë sa më shumë njerëz të jetë e mundur jashtë qyteteve të mëdha.
Zipline realizoi fluturimin e parë të tillë në 1 prill, dhe tani planifikon të transferojë mostrat e mbledhura nga më shumë se 1.000 objekte shëndetësore rurale në kryeqytetin Akra dhe qytetin e dytë më të madh, Kumasi, raporton Reuters.
“Përdorimi i dorëzimit pa kontakt të droneve për të transportuar ekzemplarë për testimin e COVID-19 do t’i lejojë qeverisë të përgjigjet më shpejt ndaj pandemisë dhe të shpëtojë jetë,” tha kompania Zipline në një deklaratë.
Shërbimi Shëndetësor ganez tha se 57,000 mostra janë testuar në vend që nga 15 prilli.
Zipline tashmë ka një flotë dronesh që dërgojnë gjak, vaksina dhe furnizime të tjera mjekësore në zonat rurale në Gana dhe Ruandë.
Në Ganë, 834 raste të virusit koronar janë konfirmuar deri më tani, dhe nëntë njerëz kanë vdekur. /tesheshi.com/
