Mbetjet e ndryshkura të Titanic-ut vazhdojnë të shkatërrohen, sipas paralajmërimeve nga ekipet që hetojnë rrënojat me anije nënujore. Është tregues se ekspeditat e mëparshme në mbetjet e anijes britanike të pasagjerëve të mbytur në Oqeanin Atlantik të Veriut kishin zbuluar se ajo po “përkeqësohej me shpejtësi” për shkak të baktereve që hanë metale.
Dhe e gjithë kjo ndërkohë që kanë kaluar më shumë se 100 vjet që kur u mbyt gjatë lundrimit të saj të parë. Sipas ekspertëve, në 20 vjet rrënoja e Titanic-ut mund të jetë shkatërruar plotësisht.
OceanGate Expeditions, një kompani që eksploron vendin e mbytjes me nëndetësen Titan, konfirmoi vitin e kaluar se direku i anijes së famshme ishte shembur dhe rrënojat e saj ishin shpërndarë në një thellësi prej 12,500 këmbësh, raportoi Independent. Pas serisë së dytë vjetore të zhytjeve në anijen e fundosur, themeluesi dhe drejtuesi i kompanisë Stockton Rush, tha në një deklaratë se anija është në një gjendje më të keqe se sa ishte vitin e kaluar.
https://youtu.be/x40SAJS2whY
“Kjo martesë e biologjisë, ekologjisë, arkeologjisë dhe hartës GIS jep një kontribut unik në studimin e Titanikut dhe fundin e oqeanit. Sot, ne kemi harta më të mira të sipërfaqes së Hënës sesa të oqeaneve të Tokës, dhe kjo duhet të ndryshojë“, tha në një deklaratë Steve Rush, shkencëtari kryesor i OceanGate Expeditions.
“Ne e dimë se mbytjet e anijeve ndikojnë në fundin e oqeanit për dekada apo edhe shekuj. Titanic ofron një rast unik studimi në det të thellë se si strukturat e krijuara nga njeriu ndikohen nga elementët dhe agjentët natyrorë,” shtoi ai.
Sipas studiuesve, rrënojat ka krijuar një “ishull biodiversiteti” në zonën e oqeanit, që përndryshe është një fushë humnere me baltë. /tesheshi.com/
