Futbolli shqiptar ka përjetuar një tjetër risi befasuese, pas asaj që vite më parë do bënte Kukësi, ish-Përparimi në kohën e komunizmit, duke u ngjitur në majë, pa ndonjë traditë suksesesh, një ekip tipik i kategorive poshtë Supersores. Tashmë, është Rrogozhina, pra Egnatia, që prek majat e futbollit shqiptar, madje edhe me dy trofe ne sezon, Kampionatin dhe Kupën.
Më saktë, siç raporton Supersport, Egnatia fitoi titullin e parë kampion të Shqipërisë si dhe njëkohësisht duke fituar për herë të parë në histori dy trofe brenda të njëjtit sezon, pasi rreth dy javë më parë rrogozinasit triumfuan edhe Kupën e Shqipërisë.
Skuadra e Edlir Tetovës mposhti me rezultatin 0-1 djemtë e Orges Shehit, pra Partizanin, në ndeshjen e titullit në “Final Four”.
Partizani nga ana tjetër nuk ia doli të mbronte titullin dhe të barazonte Dinamon me 18 tituj kampion.
Kështu Egnatia do të përfaqësojë Shqipërinë në Champions League, teksa Partizani i vendit të dytë do të shkojë në Conference League. /tesheshi.com/
