Kryeministri Rama bëri me dije se ku do të lejohej “liria me pikatore” këto kohë “tërheqje në male”, ku jeta është stopuar për shkak të vetëizolimit të paimagjinueshëm nga koronavirusi. E kjo sipas tij vlen për ato sektorë ku mundet të ketë distanca nga robi te robi, siç është ndërtimi i veprave publike.
“Kantieret rifillojnë me pikatore në zonat rurale të Elbasanit, Lushnjës, Shkodrës, Konispol, Borsh, Fushë-Krujë, Fier, duke garantuar rregullin e distancës së sigurtë për punonjësit.
Ekonomia e luftës do të vihet me hapa shumë të matur në lëvizje, për të garantuar sa më shumë vende pune nën bombardim dhe frymëmarrjen jetike në shtëpinë tonë të përbashkët.
Do të vazhdojmë të mbrohemi shumë fort, duke organizuar kundërsulme në pika nevralgjike për të siguruar rrugët e frymëmarrjes në muajt e ardhshëm.
Durim dhe besim, si një trup i vetëm“, shkruan i pari i qeverisë. /tesheshi.com/
