Ashtu siç gjatë krizës tërmetore, shteti i Katarit është angazhuar dhe nën pandeminë koronare për t’u ardhur në ndihmë shtresave në nevojë.
Kështu, gjatë këtyre ditëve, nga shteti i Katarit, përmes Zyrës së Qatar Charity në Shqipëri– janë shpërndarë qindra ndihma humanitare për këto familje. Ato përmbanin produktet më të nevojshme në këtë periudhë, si ushqime, materiale të higjenës dhe dezinfektues ambienti e personale.
Më shumë se 1000 pako (500 kuti) me ushqime dhe (500 kuti) me mjete dezinfektuese janë shpërndarë në Tiranë, Durrës, Shkodër, Elbasan dhe Berat.
Në të njëjtën kohë, Qatar Charityu ka shpërndarë këtë muaje dhe pensionet e rreth 5000 përfituesve në të gjithë Shqipërinë, si ndihma në avancë për tre muajt e ardhshëm.
Ndërsa dje, të martën, u shpërndanë 500 pako të tjera me ndihma për 250 familje në zonën e Kamzës, ku ishte i pranishëm Ambasadori i Shtetit të Katarit z. Ali bin Hamad Al Marridhe Kryetari i Bashkisë Kamëz z. Rakip Suli.
Në fjalën e tij, mbasadori rikonfirmoi edhe njëherë qëndrimin e përhershëm dhe të vazhdueshëm të Shtetit të Katarit pranë Shqipërisë dhe popullit shqiptar, veçanërisht në periudha të vështira.
Ai nënvizoi se ndihmat katariane nuk do të mungojnë edhe në të ardhmen.
Kjo ndihmë vjen pak kohë pasi Shteti i Katarit i dhuroi 5 milion dollarë Shqipërisë në mbështetje të programit të rindërtimittë zonave të prekura nga tërmeti që goditi vendin nëntorin e kaluar, krahas ndihmave të tjera materiale që u shpërndanë në ato zona gjatë asaj periudhe, nën mbikëqyrjen e Ambasadëssë Shtetit të Katarit në Tiranë. /tesheshi.com/
