Ndonjëherë ndihemi të stresuar, të lodhur, të plogësht, të përgjumur, por edhe të mërzitur apo të acaruar. Ndjenjat tona kushtëzohen jo vetëm nga moti, ambienti apo aktiviteti fizik, por edhe nga mënyra e të ushqyerit.
Jeni të acaruar dhe nervoz?
Me siguri i pëlqeni shumë produktet industriale si patatinat dhe ëmbëlsirat e paketuara. Këto lloj produktesh përmbajnë karbohidrate të përpunuara që mundësojnë një disbalancim të sheqerit në gjak që nga ana tjetër shkakton një gjendje nervozizmi. Hiqni dorë nga këto ushqime dhe zëvendësojini me karbohidrate “të mira” si tërshëra, buka dhe makaronat integrale të shoqëruara më proteina zarzavatesh.
Jeni të shqetësuar dhe në ankth?
Me siguri abuzoni me kafeinën. Pakësoni dozat e kafeinës që merrni nga kafeja dhe çajrat. Kafeina bënë që truri të dalë nga gjendja e plogësht dhe e përgjumur në një gjendje “vigjilence” të sforcuar që nga ana tjetër ju bën të ndiheni në ankth.
Jeni të mërzitur?
Rrini larg “ushqimit ngushëllues”. E keni vënë re që kur jeni të mërzitur ju hahet një nga ushqimet ngushëlluese si: pica, patatina, çokollatë, akullore (ose ëmbëlsira në përgjithësi)? Kjo ndodh sepse këto lloj ushqimesh kanë një kimikat që ndërhyn në trurin tonë për të stimuluar prodhimin e “hormonit të kënaqësisë”.
Mirëpo pasi plotësohet kjo dëshirë dhe ju e rimerrni veten do të bëheni të varur ndaj këtij ushqimi duke krijuar një rreth vicioz. Mendojini këto ushqime si një thikë me dy presa: edhe pavarësisht se ju qetëson për momentin do t’ju shtojë dozën e mërzisë më vonë dhe do kërkoni përsëri strehim tek ky ushqim. Bëni më mirë një ecje, një shëtitje apo ndonjë sport për të nxjerrë mërzinë. /tesheshi.com/
