Mënyra si e balancojmë punën dhe familjen mund të jetë rrënjosur që në fëmijërinë tonë nga eksperiencat me prindërit tanë, tregon studimi anglez me udhëheqës Dr.Ioana Lupu.
Studimi tregon rolin e rëndësishëm të historisë sonë personale dhe ato që mësojmë në nivel të pandërgjegjshëm nga prindërit.
Në këtë studim u intervistuan 148 të punësuar, meshkuj dhe femra. Rezultatet treguan se meshkujt që ishin rritur në familje, ku babai ishte shtylla ekonomike dhe nëna menaxhuese e shtëpisë, nuk ndjeheshin në faj lidhur me balancimin e punës dhe familjes.
Nga ana tjetër, femrat e rritura në ambjente të tilla raportojnë se ndjehen të konfuzionuara dhe të ndara në dy copa. “Femrat që janë rritur nga nëna shtëpiake punojnë si baballarët e tyre, por duan të prindërojnë si nënat e tyre.” thotë Dr Lupu.
Studimi ndërgjegjëson për ndryshimin mes pritshmërive të pandërgjegjshme dhe ambicjeve të ndërgjegjshme rreth prindërimit dhe karrierës. “Që individët të arrijnë potencialin e tyre të plotë, ata duhet të jenë të vetëdijshëm se si personi i cili ata janë tani është formuar nga struktura sociale të mëparshme dhe vendimet mbi punën apo familjen riprodhojnë vazhdimisht skemat e këtyre strukturave” thotë Dr Lupu. /tesheshi.com/
