Behxhet Pacolli tha se ndihej mjaft i suprizuar që në Sarandë është ngritur një bust i tij, pra për nder të tij.
“Një dhuratë që nuk e prisja. Sot me rastin e ditëlindjes sime, kuptova se në qytetin e bukur të Sarandës është realizuar një bust për mua! Jam i lumtur dhe shumë mirënjohës për këtë portret. Gjatë jetës sime, kam punuar shumë për ta bërë popullin tim krenarë dhe për t’i treguar botës se edhe ne dimë dhe mundemi! Ky është një nder i madh për mua sot! Faleminderit nga zemra!” shkruan biznesmeni dhe politkani i njohur kosovar, një ndër njerëzit më të pasur në Shqipëri.
Nuk dihet se për ç’lidhje të veçantë të Pacollit me qytetin turistik shqiptar është ngritur ky bust, ndërkohë që një shpjegim i tillë nuk ekziston as për një të ngjashëm të Hillary Clintonit në qendër të qytetit jugor.
Për lidhje të ngushta me Sarandën nga elita kosovare, është njohur vetëm i ndjeri Adem Demaçi, i cili, që nga fillimvitet 2000 e deri sa ndërroi jetë, një pjesë të vitit e kalonte në Sarandë, pasi zgjodhi të kishte një shtëpi aty. Madje në një rast, shtëpinë dhe ia vodhën.
Ndaj po, nëse Demaçi do kishhte një bust në Sarandë, do ishte tërësisht e përligjur /tesheshi.com/
