Gjatë ditës së parë të samitit të OKB-së COP26, që po mbahet këto ditë në Glasgow, pasi një zhvillim që u konsiderua një “mosangazhim i turpshëm i organizatorëve”.
Ministrja izraelite e Energjisë, Karine Elharrar nuk mundi të merrte pjesë në Konferencë, sepse salla nuk mund të arrihej, pasi transporti i ofruar nuk ishte përshtatur për njerëzit me karrige me rrota.
Siç tha ajo vetë për mediat izraelite, në konferencë mund të arrihej në këmbë ose me transport që nuk ishte i përshtatur për njerëzit me karrige me rrota.
“Erdha në konferencë për t’u takuar me kolegët dhe për të bërë përparim në luftën e përbashkët kundër krizës klimatike. Është e trishtueshme që OKB-ja, e cila promovon aksesin për personat me aftësi të kufizuara, nuk shqetësohet për aksesin në ngjarje të ngjashme në 2021,” shkroi Elharrar.
Elharrar, e cila vuan nga distrofia muskulare, ka shprehur shpresën se problemi do të zgjidhet dhe se do të mund të marrë pjesë në ditën e dytë të samitit.
Ministri i Jashtëm izraelit Yair Lapid kritikoi organizatorët, duke thënë se “është e pamundur të shqetësohemi për të ardhmen, ndryshimet klimatike dhe njerëzit nëse fillimisht nuk kujdesemi për qeniet njerëzore, aksesin dhe të paaftët”.
Ambasadori britanik në Izrael, Neil Wigan kërkoi falje për këtë zhvillim.
Mdërkohë kujtojmë se një ditë më parë qe Erdogan që refuzoi të udhëtojë drejt Glasgow-t, pikërisht me një pretendim të ngjashëm në lloj por jo në thelb. Presidenti turk pretendoi se ndaj tij nuk ishin marrë masa të duhura sigurie. /tesheshi.com/
