Uganda shpreson të tërheqë turistët duke përdorur muzeun për një nga kapitujt më të errët të historisë kombëtare. Pra, diçka të ngjashme me BunkArt-et në Tiranë.
Ajo do të dokumentojë krimet e kryera gjatë sundimit 8-vjeçar brutal të ish-presidentit Idi Amin.
“Ne duam t’u tregojmë njerëzve realitete ashtu siç ishin”, tha drejtori i zyrës turistike, Stephen Asiimwe.
Muzeu i luftës, i cili ende është duke u ndërtuar, do të tregojë gjithashtu historinë para-koloniale dhe koloniale të Ugandës, ish-koloni britanike.
Asiimwe thekson se projekti nuk do të jetë i pandjeshëm. “Në epokën e Amin, isha një djalë, shokët e mi të shkollës humbën prindërit e tyre nën këtë regjim. Nuk mund të shpëtojmë nga e kaluara, ky është fakt”, vuri në dukje ai.
Asiimwe thotë se çdo destinacion ka kulturën dhe tërheqjet e saj tradicionale. “Ne kemi gorillat malore në Ugandë, por ne gjithashtu duhet të flasim për të kaluarën. Historia e historisë së Ugandës do ta bëjë vendin tonë më të dëshirueshëm për turistët”, tha ai.
Megjithatë, zëvendësi i tij, Xhem Sempebva, nuk mendon se ugandezët janë të gatshëm të përballen me detajet e dhimbshme të së kaluarës së tyre.
“Shoqëria është e ndarë, ka njerëz që nuk mund të thonë asgjë të mirë për Amin, dhe nesër ata edhe mund të djegin muzeun”, paralajmëroi ai, sërish diçka e ngjashme siç ndodhi në Tiranë me djegien e BunkArt-it gjatë ndërtimit, në një prej protestave të opozitës. Amin erdhi në pushtet në vitin 1971, më pak se dhjetë vjet pas fitimit të pavarësisë nga Uganda nga Britania e Madhe. Besohet se nën sundimin e tij rreth u vranë rreth 400 mijë njerëz. /tesheshi.com/
