Askush nuk priste të gjente një gjarpër në Belgjikë që normalisht jeton në anën tjetër të Evropës, por pikërisht kjo ndodhi.
Kur punonjësit e Qendrës së Ndihmës Natyrore Oudsbergen morën një raport se kishte një gjarpër të dyshimtë në pjesën flamande të rajonit të Limburgut, ata menduan se me çfarë do ballafaqoheshin, shkruan Brussels Times.
Kur ata morën një foto të bërë nga punëtorët e frikësuar, kuptuan se ishte një nepërkë palestineze(daboia palaestinae), një gjarpër jashtëzakonisht i rrezikshëm dhe helmues. Helmi i tij ende nuk ka shërim dhe duke qenë se është i rrezikuar në terrene të panjohura, është bërë jashtëzakonisht i rrezikshëm.
Ajo u zvarrit mes mallrave të importuara nga Izraeli, ndaj duket qartë se si përfundoi në Belgjikë. Ajo erdhi
në atë vend si një “udhëtare e verbër”, por që nuk ishte aspak e kënaqur me këtë, ndaj që punëtorët u mbajtën larg saj.
Një specialist i gjarpërinjve, Martijn Houbrechts, i veshur me një kostum mbrojtës dhe doreza, përdori një dorezë të veçantë gjarpri për ta kapur dhe ruajtur në një kuti.
“Për fat të mirë, gjithçka shkoi mirë. Punëtorët që e panë u frikësuan, por ne e kapëm para se të kërcënonte dikë. Domethënë, ky lloj gjarpëri mund të sillet shumë agresivisht në vetëmbrojtje“, tha Houbrechts.
Gjarpri është zhvendosur në laboratorin e Qendrës së Ndihmës Natyrore, ku do të përdoret në hulumtimin e helmeve. /tesheshi.com/
