Kryeministri Rama zgjodhi të informojë publikun mbi origjinën e fjalës “karantinë”, në pushtetin e së cils ndodhet sot bota.
Duke potencuar dhe kredon kuranore të vlerës së jetës, ai solli historinë e Ibn Sina-s, një ndër kokat themeluese të mjekësisë nga bota islame, nga i cili rrodhi dhe praktika e karantinimit.
“Ja si lindi karantina
Studiuesi persian i mjekësisë, Ibn Sina (980-1037), dyshoi se disa sëmundje përhapeshin nga mikroorganizmat! Për të parandaluar infektimin nga njeriu tek njeriu, ai shpiku metodën e izolimit të plotë të njerëzve për 40 ditë. Këtë metodë e quajti al-Arba’iniya -‘Dyzeta’.
Tregtarët nga Venediku kishin dëgjuar për metodën e tij të suksesshme dhe e sollën atë në Itali. E quajtën ‘Quarantena’ (‘Dyzeta’ në italisht). Kjo është edhe fillesa e fjalës ‘karantinë’. Kurani i Shenjtë thotë: “Kush shpëton një jetë njerëzore, është njësoj si të ketë shpëtuar të gjithë njerëzimin” (5:32). Ende sot, metoda e Ibn Sina-s shpëton jo mijëra, po ndoshta miliona jetë.
Emri i plotë i Ibn Sina-s ishte Abu Ali Al-Hussein Ibn Abdullah Ibn Sina. Në perëndim e njohin edhe me versionin latin të emrit të tij: Avicenna”, shkruan Rama. /tesheshi.com/
