Nga Blendi Gashi
Me të drejtë, ambasadori amerikan në Tiranë, Donald Lu, së fundmi deklaroi se “kam dëgju që shqiptarët janë të besës, por politikanë më të pabesë nuk ka bota”.
Kjo deklaratë e bërë nga diplomati amerikan me të vërtetë pasqyron realitetin edhe të politikanëve kosovarë. Veç të qënit deri mashtrues ordinerë, ata janë dhe keqpërdorues po ordinerë të raporteve më ndërkombëtarët, ku veçanërisht me amerikanët, punojnë me dy standarte
Fjala vjen, ata i shfrytëzojnë ato qëndrime apo deklarime të Uashingtonit që iu interesojnë, e për ato që nuk u ineresojnë e që janë kundër tyre, bëjnë sikur nuk dëgjojnë. Siç për korupsionin.
“Amerika po thotë…”
Më konkretisht, oushtetarët në Kosovë nuk lënë ditë që nuk mbrohën prapa Amerikës edhe sa i përket çështjes së Demarkacionit me Malin e Zi, duke thënë se ratifikimi i kësaj marrëveshje nga Kuvendi është edhe kërkesë e aleatit më të madh Amerikës.
Ndërsa partitë opozitare të cilët e kundërshtojnë Demarkacionin në vazhdimësi i kanë quajtur anti-amerikane.
Duke filluar nga presidenti Hashim Thaçi, kryeministri Isa Mustafa, kryekuvendari Kadri Veseli, pra tre krerët më të lartë të vendit, por edhe këshilltarë të tyre, si zv.ministri Bajram Gecaj, i cili punoi për disa vite në Ambasadën e SHBA-ve në Kosovë, ditëve të fundit në vazhdimësi kanë pohuar se SHBA përkrah Demarkacionin në versionin e qeverisë dhe Asociacionin e komunave me shumicë serbe, dhe duke akuzuar opozitën se nuk duhet të dalë kundër Amerikës.
Pra, zyrtarët e pushtetit sa herë që duan të shtyjnë përpara ndonjë marrëveshje qoftë ajo edhe e dëmshme për vendin, deklarohen se “Amerikan po thotë…”
Por, shtrohet pyetja: pse asnjëherë krerët më të lartë të vendit, nuk marrin për bazë edhe deklaratat e zyrtarëve amerikanë për luftimin e korrupsionit dhe krimit që po e ka kapluar vendin?!
Të gjithë zyrtarët e SHBA-ve që vizituan Kosovën, si zv.presidenti amerikan, Joe Biden, por edhe zyrtarja tjetër, Viktoria Nuland kërkuan nga klasa politike dhe shoqëria që ta luftojnë korrupsionin dhe krimin e organizuar.
Biden kërkoi që zyrtarët e akuzuar dhe të dënuar të largohen nga detyrat e shërbimit publik.
Por, jo ky mesazh që jepet në vazhdimësi nga drejtuesit më të lartë të SHBA-ve dhe jo vetëm nuk merret parasysh nga klasa politike në vend.
Dy partitë në pushtet aspak nuk e çajnë kokën çfarë thotë Amerika për korrupsionin e krimin e organizuar, pasi ato në vazhdimësi rehatojnë militantë partiakë në borde të ndërmarrjeve, ndërsa shumica e kryetarëve të komunave me të cilat udhëheqin, janë duke u hetuar për korrupsion, pra është ngritur aktakuzë ndaj tyre, rasti i fundit është aktakuza ndaj kreut të Gjilanit, Lutfi Haziri, për keqpërdorim të detyrës zyrtare. Siç dihet Luta, i njohur nga të gjithë është zyrtar i lartë i LDK-së.
“Thirren në Amerikën kur duan ta çojnë diç përpara”
Edhe analistë dhe drejtues mediash në Kosovë, disa herë kanë kritikuar qasjen e dy partive në pushtet karshi thirrjes në emër të Amerikës dhe fshehjes pas këtij aleati të fuqishëm për interesa personale.
Një prej tyre është, drejtuesja e grupti “Koha”, Flaka Surroi e cila pas deklarimeve të bëra nga zv.ministri Bajram Gecaj se Amerika kërkon ratifikimin e marrëveshjes për Demarkacionin, ka deklaruar se partitë në pushtet fshihen pas SHBA-ve vetëm kur ju konvenon.
Surroi, përmes një shkrimi në Facebook ka thë në se koalicioni qeveritar PDK-LDK kur duan të shtyjnë diç përpara, pra të votojnë ndonjë marrëveshje, thirren në Amerikën.
“E kur Amerika thotë ‘duhet ta luftoni korrupsionin’, të keqën më të madhe që na dërrmoi, ju (LDK) heshtni dhe e vazhdoni koalicionin me Klanin ‘Pronto’”, ka kritikuar Surroi.
Ndryshe, Lëvizja Vetëvendosje e cila konsiderohet nga partitë në pushtet PDK dhe LDK si anti-amerikane, disa herë përmes përfaqësuesve të saj ka thënë se “nuk janë antiamerikanë, dhe se nuk kanë problem me SHBA-në, por me individë të caktuar. /tesheshi.com/
