Maroku nuk ia doli dot me Francën në gjysmafinale, duke u mundur gjithsesi dinjitetshëm, pasi jo vetëm luajti më mirë se çdo ndeshje, nga pikëpamja e spektaklit, por dhe i mbajti gjelat në ankth gjatë gjithë pjesës së dytë, pas një disavantazhi 0-1 në pjesën e parë. Deri sa një gol nga fundi i të dytës, i dha siguri Francës se po e fitonte ndeshjen.
Kështu, për herë të parë në historinë e Botërorëve, do kemi një finale Argjentinë-Francë. Katër vite më parë, në Rusi, Franca do fitonte Botërorin e dytë më një Mbappe në superformë, përballë një Kroacie me Modriccin elegant dhe inspirues. Tashmë vjen përballja tjetër, që të dyja me dy kupa bote, ku o Mbappe fiton të dytën(dhe Franca të tretën, o Messi fiton të parën(dhe Argjentina po ashtu të tretën).
Kjo vendoset të dielën. Ndërsa të shtunën vendoset se kujt i takon vendi i tretë, Kroacisë apo Marokut. /tesheshi.com/
