Videoja në të cilën ish-zëvendëskryeministri australian Barnaby Joyce, është regjistruar i shtrirë në rrugë i dehur dhe duke folur në jerm, ka shkaktuar reagime të forta në Australi.
Videoja është regjistruar pak para mesnatës së të mërkurës së kaluar në një rrugë në zonën e Brandon. Në pamje, politikani 56-vjeçar dëgjohet duke thënë “p…i vdekur i ndyrë”, ndërsa rezultoi se ai po fliste me gruan e tij.
Duke folur pas publikimit të videos, Joyce pranoi se kishte konsumuar alkool pasi Parlamenti ishte ndërprerë në orën 22 të asaj dite.
“Kam bërë një gabim të madh. Nuk kam asnjë justifikim. Por ka një shpjegim. Unë jam me mjekim dhe ka efekte anësore nëse pi alkool në të njëjtën kohë…”, u përpoq të justifikohej ky ish-kryeministër.
Megjithatë, ai refuzoi thirrjet për të dhënë dorëheqjen duke thënë se “ky nuk është vendimi im. Unë nuk do të hyj në një dialog të pafund për atë që njerëzit e tjerë duan që unë të bëj.” /tesheshi.com/
