Në 50 vitet e fundit, kurrë më parë nuk janë prodhuar kaq shumë modele matematikore për të parashikuar përhapjen e infeksionit si tani, në kohën e pandemisë së koronavirusit të ri, ose sëmundjes COVID-19.
Ndër më të respektuarit ishin parashikimet e Imperial College London, duke iu referuar të përditshmes italiane Sanita, e destinuar për stafin mjekësor.
Eshtë një ekip me matematikanë, fizikantë, ekonomistë dhe analistë nga fusha të ndryshme, të udhëhequr nga prof. Neil Ferguson.
Parashikimet e tyre, thuhet, gjithmonë kanë qenë më të hollësishmet dhe më të cituara, por ato gjithashtu kanë pasur ndikimin më të madh tek vendimmarrësit, politikanët në të gjithë botën, dhe kanë ndikuar në masat e marra nga autoritetet gjatë pandemisë së virusit koronar.
Për fat të mirë, shkruan gazeta, shumica e parashikimeve ishin të gabuara.
Merrni shënim, mos merrni masa
Për shembull, një model i bërë nga Kolegji Imperial për Italinë parashikonte gjysmë milioni vdekje nëse qeveria nuk merrte asnjë masë mbrojtëse dhe gati 300,000 vdekje me mbrojtje dhe karantinë, të cilat, shteti apenin i prezantoi në të gjithë territorin, dhe 30,000 vdekje në javë në njësitë e kujdesit intensiv.
Këto parashikime nuk u realizuan dhe numri i viktimave është afërsisht një e dhjeta e parashikuar.
Dhe parashikimet e Kolegjit Imperial për zhvillimin e epidemisë COVID-19 në Angli dhe Shtetet e Bashkuara ishin të gabuara.
Modeleve matematikore për parashikimin e epidemive u jepet shumë publicitet, ato respektohen nga ata që marrin vendime, por prapëseprapë ato nuk pranohen ose publikohen në ndonjë ditar serioz shkencor.
Një nga karakteristikat e pandemisë COVID -9 është se virusi është i ri dhe se ka pasur dhe ka ende shumë të panjohura, kështu që është dashur shumë guxim për të bërë parashikime me kaq shumë të panjohura.
Sipas gazetës Sanita, rezultatet e tilla duhet të merren parasysh, por masat strategjike s’duhet të miratohen bazuar në to. /tesheshi.com/
