Papa Françesku njihej për mënyrën e tij të thjeshtë dhe modeste të jetesës. Ai refuzoi apartamentet e bollshme papnore në Pallatin Apostolik dhe nuk u largua kurrë nga hoteli i Vatikanit, ku ai dhe kardinalët e tjerë që morën pjesë në konklavën e vitit 2013 ishin vendosur në dhoma modeste.
Françesku shmangu “mozzettën” (mantelin) e kuqe të ndezur, të zbukuruar me gëzof dhe nuk mbajti një kryq të artë, duke mbajtur rreth qafës të njëjtin kryq të zbehur të veshur me argjend që mbante si kryepeshkop i Buenos Airesit.
Ai gjithashtu nuk veshi “këpucët e peshkatarëve” luksoze të kuqe të përdorura nga paraardhësit e tij, duke u përmbajtur në këpucë të thjeshta të zeza.
Ai gjithmonë përdorte orë plastike me vlerë 20 dollarë, disa prej të cilave i dhuronte për t’u shitur në ankand për bamirësi.
Limuzina papale e papërshkueshme nga plumbat u zhvendos në Muzetë e Vatikanit dhe Françesku udhëtoi nëpër Romë me një Ford Focus blu pa asnjë element sigurie.
Në fund të vitit 2024, Vatikani zbuloi një papamobile të re me çati të hapur – një Mercedes-Benz elektrik – që Françesku e përdori për të përshëndetur pelegrinët në Sheshin e Shën Pjetrit. /tesheshi.com/
