Kryeministri Ramush Haradinaj gjatë vizitës në Shqipëri ka takuar homologun e tij, Edi Rama si dhe presidentin Ilir Meta me me të cilët ka biseduar për zhvillimet politike në rajon si dhe organizimi me rastin e vitit mbarkombëtar të Skenderbeut.
“Gjithmonë kënaqësi ta takoj kryeministrin Edi Rama dhe të bashkëbisedojmë për temat me interes nacional dhe zhvillimor për Kosovën dhe Shqipërinë. Në kuadër të takimit, biseduam edhe për zhvillimet politike në rajon dhe për aktivitetet që do të organizohen në kuadër të Vitit Mbarëkombëtar të Gjergj Kastriotit-Skënderbeut”, shkruan Haradinaj në Facebook pas takimit me Ramën.
Kurse me Metën, thotë se bashkëbiseduan për zhvillimet në Kosovë dhe Shqipëri.
“Ndihma e Shqipërisë është e pazëvendësueshme për konsolidimin ndërkombëtar të Kosovës”, thotë Haradinaj. /tesheshi.com/
