Ushtarët izraelitë, pos mizorë po tregohen dhe idiotë, duke zhbërë kështu sërish mitin e një ushtrie të përgatitur në nivelet më të larta.
Ata së fundi vranë tre pengje në Gaza, edhe pse këta të fundit, siç është vërtetuar nga një hetim izraelit, mbanin në duar flamuj të bardhë.
Një zyrtar tha se incidenti ndodhi në një zonë luftimesh të ashpra ku Hamasi veprojnë politikisht dhe përdor taktika mashtrimi.
Një ushtar pa pengjet të dilnin disa dhjetëra metra larg forcave izraelite në zonën e Sejaiya, tha zyrtari.
“Ata janë të gjithë pa këmishë dhe kanë një mangura me një leckë të bardhë mbi të. Ushtari ndihet i kërcënuar dhe hap zjarr. Ai shpall se janë terroristë, (forcat) hapin zjarr, dy vriten menjëherë”, tha zyrtari ushtarak izraelit.
Pengu i tretë u plagos dhe u tërhoq në një ndërtesë aty pranë ku kërkoi ndihmë në hebraisht, tha zyrtari.
“Menjëherë komandanti i batalionit urdhëron një armëpushim, por përsëri ka një shpërthim tjetër zjarri drejt figurës së tretë dhe [pengu i tretë] gjithashtu vdes,” tha zyrtari. “Kjo ishte kundër rregullave tona të angazhimit,” shtoi ai.
Kjo ngjarja e ka rënduar dhe më tej situatën në Izrael, ku oponioni publik edhe më shumë po irritohet me Netanyahun. /tesheshi.com/
