Ish-tenisti legjendar gjerman Boris Becker, i cili po vuan dënimin me burg në Britaninë e Madhe për mashtrim financiar, sipas tabloideve gjermane, përveç që dobësohet duke u stërvitur rregullisht, u jep të burgosurve dhe kurse joga, transmeton Guardian.
Ish-kampioni i Wimbledonit u transferua nga burgu Wandsworth në burgun Huntercombe pranë Nuffield në Oxfordshire në maj. Në prill ai u burgos për dy vjet e gjysmë për fshehjen e 2.5 milion paund të aseteve për të shmangur pagesën e borxheve pas falimentimit.
Tabloid Bild, duke cituar një burim të afërt me Becker, tha se 54-vjeçari po stërvitej rregullisht në studion e fitnesit të burgut dhe kishte hequr dorë nga alkooli, i cili është i ndaluar. Burimi tha se ai humbi rreth tetë kilogramë.
Becker gjithashtu punon si asistent së bashku me trajnerin e fitnesit dhe psikologjisë së burgut, duke përdorur përvojën e tij si ish-kampion i tenisit nr. 1 në botë, raportoi Bild.
Sipas burimit, Becker u meson fitnesin, të ushqyerit dhe menaxhimin e krizave për rreth 45 të burgosur.
Becker thuhet gjithashtu se po u mëson të burgosurve të tjerë “një lloj të veçantë yoga dhe meditimi”, tha një burim për gazetën. “Si sportist, ai i njeh shumë mirë uljet dhe ngritjet e fitores dhe humbjes. Përvojën e tij jetësore ua kalon të burgosurve”. /tesheshi.com/
