Me frizurë të parregullt, si te Boris Johnson në variantin femër, ish-kancelarja gjermane Angela Merkel është parë mëngjesin e sotëm, në zemrën e Berlinit, duke blerë ushqime të ndryshme nga një furrë buke e njohur në lagjen e saj.
Ajo që bleu për një mëngjes të bollshëm nuk ishte për të dhe bashkëshortin e saj, por për disa miq të zgjedhur, siç komenton Bild, në një koment që ka postuar në Twitter së bashku me foton e Merkelit me flokë të shpupurisur.
Kamera e ka kapur ish-kancelaren 68-vjeçare duke dalë nga furra me simitet e saj të preferuara me kanellë. Ajo i blen ato vetëm në furrën e shefes së njohur të televizionit në Gjermani, Sarah Ëiener, siç bën të ditur publikimi përkatës, duke shtuar se specialitetet e ëmbla përgatiten të gjitha në furrë me dru.
Ndërkohë që Merkel shijon jetën e saj të përditshme si një “vdekje e zakonshme”, rrjeti gjerman RTL po përgatitet të shfaqë një film thriller me ish-kancelaren e Gjermanisë të thirrur për të zbardhur një krim.
Nën titullin “Miss Merkel – Një thriller krimi i Uckermark”, filmi do të shfaqet më 21 mars dhe, siç sqaron botimi gjerman, është një histori fantazie.
Në film,… “Merkel” zhvendoset nga Berlini në një qytet të vogël në Ukermak për të shijuar pensionin e saj në paqe me të shoqin.
Megjithatë, ajo fillon të ndihet pashpresë e mërzitshme. Dhe papritur jeta e saj bëhet interesante nga një ngjarje e papritur.
Një banor lokal gjendet i helmuar në një qeli në kështjellën e qytetit dhe “Merkel” vendos të marrë rolin e Sherlock Holmes…
Rolin e Merkel e luan aktorja 69-vjeçare, Katarina Talbach, e cila pretendon se protagonistja është një ndërthurje e një ish-kancelareje dhe një pensionisteje që kthehet në “Miss Marple”, heroina e romaneve detektive të Agatha Christie. /tesheshi.com/
