Autoriteti për Zhvillimin e Rajonit të Mekës nisi zbatimin e një projekti të ri për të freskuar atmosferën në zonën Jamarat, si pjesë e fazës së parë të prezantuar në sezonin e Haxhit këtë vit.
Projekti mbulon të gjithë zonën e sheshit perëndimor në Jamarat, si dhe rrugët e kthimit për në Mina.
Kjo masë është në përputhje me udhëzimet e këshilltarit të Mbretit Salman, princit Khalid al-Faisal, guvernatorit të rajonit të Mekës dhe kryetarit të Komitetit Qendror të Haxhit.
Kjo është në kuadër të disa projekteve të mbikqyrura nga Autoriteti dhe zv.kryetari i Bordit, Princi Abdullah Bin Bandar.
Ky projekt kontribuon në zvogëlimin e temperaturave për pelegrinët dhe uljen e nivelit të vështirësive për kalimtarët në zonën Jamarat, si dhe rrugët gjatë kthimit për në Mina, veçanërisht pasi nxehtësia ka arritur në 42°C.
Projekti i ftohjes shtrihet mbi 10,000 metra, me 750 shtylla të ujit për spërkatje të cilat furnizohen përmes dy stacioneve kryesore.
Sasia e ujit të fresket është 235 m3 në orë. Shtyllat për spërkatje punojnë vazhdimisht gjatë ditëve të haxhit në zonat Mina dhe Jamarat. /tesheshi.com/
