Kërkimi për një lider të ri të Partisë Konservatore të Britanisë së Madhe është duke u zhvilluar, pas dorëheqjes së Liz Truss të enjten.
Zëvendësuesi i saj do të bëhet kryeministri i pestë konservator në gjashtë vjet.
Kandidimet për kreun e ardhshëm të Partisë Konservatore dhe kryeministrin janë të hapura. Ata mbyllen në orën 14:00 me orën lokale të hënën e 24 tetorit.
Kandidatët do të kenë nevojë për mbështetjen e të paktën 100 deputetëve konservatorë, shkruan BBC.
Duke qenë se aktualisht janë 357 deputetë konservatorë dhe mund të konkurrojnë maksimumi tre kandidatë.
Nëse vetëm një kandidat merr mbështetjen e 100 deputetëve, ai do të bëhet lideri i ardhshëm dhe kështu do të bëhet kryeministri i ri.
Nëse më shumë se një kandidat merr 100 vota, votimi do të bëhet nga deputetët konservatorë. Kjo do të zhvillohet mes orës 15:30 dhe 17:30 të së hënës.
Nëse në atë fletë votimi janë dy kandidatë, ai do të jetë tregues. Kjo do të thotë se do të tregohet se kush ka më shumë mbështetje nga përfaqësuesit.
Raundi final
Nëse janë tre kandidatë, ai me më pak vota do të eliminohet dhe rezultatet do të shpallen në orën 18:00.
Më pas do të ketë një raund të ri votimi nga ora 18:30 deri në 20:30, ndërsa rezultatet do të shpallen në orën 21:00 me orën lokale.
Nëse në fund të votimit kanë mbetur dy kandidatë, për shkak se askush nuk tërhiqet pas votimit tregues, anëtarët e Partisë Konservatore do të vendosin për kreun dhe kryeministrin e ardhshëm.
Ata do të marrin pjesë në votimin online për të vendosur fituesin.
Para përfundimit të votimit mes anëtarëve të partisë, dy kandidatët pritet të marrin pjesë në një debat televiziv.
Kreu i ri i partisë dhe kryeministri do të shpallet të premten, më 28 tetor. /tesheshi.com/
