Presidenti rus, me anë të një dekreti të nënshkruar javën që shkoi kufizoi numrin e stafit të punësuar nga Ministria e Brendshme, duke e lënë atë në pak më shumë se 1 milion. Një gjë e tillë do të thotë shkurtime masive nga puna prej 10 për qind, ose 110 mijë punonjës të Qeverisë.
Personeli administrativ mban peshën më të madhe të shkurtimeve në ministrinë që kontrollon policinë, forcat paraushtarake, dhe agjencitë e sigurisë rrugore.
Rusia ndodhet në procesin e shkurtimit me 10 për qind të shpenzimeve qeveritare pasi ka rënë në krizën ekonomike më të thellë të viteve të fundit.
Rënia e cmimit të naftës dhe sanksionet e Perëndimit, vendosur për përfshirjen e saj në krizën e Ukrainës, kanë goditur rëndë ekonominë.
FMN parashikon që ekonomia ruse të rrudhet me 3.8% këtë vit, dhe me më shumë se 1% në vitin 2016.
Putin shkurtoi rrogën e vet në mars me 10 për qind, pak pasi kishte kërkuar kufizimin e shpenzimeve qeveritare, por që nuk prekin Mbrojtjen./tesheshi/
