Ditët e lodhshme të fillimit të punës, shkollës e të kopshtit i vuajnë edhe fëmijët. Pasi fëmija del prej tyre, e nëse mami ose babi duhet të bëjë pazar para se të kthehet në shtëpi, kur shkojnë aty dhe më pas nëna fillon të përgatisë darkën, ndodh që fëmijën e ka këputur gjumi në divan. Si duhet të veprojmë?
Së pari, dihet që gjumi është “i shenjtë” dhe nuk duhet prishur. Kështu që kur ta cojmë tek dhoma e gjumit mirë është të marrim dhe një gotë me qumësht të ngrohtë që nëse zgjohet natën me etje apo uri mund t’ja japim ta pijë.
Së dyti, duhet që prindërit t’i përshtaten ritmeve të fëmijës. Mirë është që në kthimin në shtëpi darka të jetë gati, pra brenda mundësive të gatuhet më herët.
Gjithashtu është mirë që fëmija të marrë pjesë në përgatitjen e darkës: përshembull mund të shtrojë tavolinën duke vendosur me kujdes pjatat, pecetat dhe gotat, ose mund të ndihmojë në pastrimin e frutave apo në përgatitjen e sallatës apo të ëmbëlsirës.
Në këtë mënyrë, duke qenë se fëmija është i angazhuar me diçka, gjasat janë të pakta që ta zërë gjumi. /tesheshi.com/
