Në qeverinë “Rama2” Ministria e Integrimit dhe ajo e Jashtme do të shkrihen në një institucion. Ai do të quhet Ministria për Europën dhe Punët e Jashtme. Kjo u bë e ditur nga kryeministri Edi Rama, i cili ka sqaruar arsyen e shkrirjes dhe bashkimit të dy ministrive.
“Ministria e Integrimit ka qenë shumë e nevojshme në këtë fazë dhe në fazën ku hyjmë puna e saj, pra puna e bërë deri më tani nga kjo ministri duhet shpërndarë në shumë më tepër shpatulla, me shumë më tepër barrë përgjegjësie dhe Ministria e Jashtme, e cila do të quhet Ministria për Europën dhe Punët e Jashtme, do të ketë përgjegjësinë e drejtimit”, tha Rama.
Ndërkohë ish-ministrja e Integrimit, Kaljda Gjosha, duke reaguar ndaj këtij propozimi të ri, tha se ky proçes nuk është çështje emërtimi institucioni por vizioni dhe strategjie.
“Sado i bukur të tingëlloië sot titulli i Ish Ministrisë së Jashtme, qartësia e koordinimit te këtij procesi është thelbi që siguron vazhdimësinë e ëndrrës së Shqipërisë dhe shqiptarëve”, shkruan ndër të tjera ish ministrja e Integrimit. /tesheshi.com/
