Ka shumë akull në planet dhe qw po shkrihet me shpejtësi nën ndikimin e ndryshimeve klimatike. Prandaj, kohët e fundit janë shfaqur gjithnjë e më shumë pyetje mbi temën se si do të duket planeti nëse i gjithë akulli shkrihet dhe çfarë mund të presim.
Ndryshimi i klimës është një realitet dhe akullnajat në planet po shkrihen me shpejtësi, madje edhe më shpejt se sa pritej. Ka mjaft akull tokësor në planet që këto fakte të shkaktojnë shqetësim.
Duke marrë parasysh dy shtresat më të mëdha të akullit në tokë, atë në Antarktidë dhe atë në Grenlandë, të cilat së bashku shtrihen në më shumë se 15.54 milionë kilometra katrorë, është e qartë se kjo është një sasi shumë e madhe dhe do të ishte një katastrofë nëse gjithë ai akull shkrihet.
Një video e krijuar nga Business Insider Science tregon saktësisht se si do të dukeshin brigjet tona nëse i gjithë akulli i tokës do të shkrihej.
Shumë qytete evropiane si Brukseli dhe Venecia do të ishin në fakt nën ujë. Në Afrikë dhe Lindjen e Mesme, Dakar, Akra dhe Jeddah do të zhdukeshin. Miliona njerëz në Azi, në qytete si Mumbai, Pekini dhe Tokio, do të zhvendoseshin dhe do të duhej të zhvendoseshin në brendësi të vendit.
Amerika e Jugut do të mbetej pa qytete si Rio de Zhaneiro dhe Buenos Aires, dhe në SHBA do të shihnim vende si Hjustoni, San Francisko dhe Nju Jorku, si dhe i gjithë shteti i Floridës, të zhdukeshin ngadalë në det. /tesheshi.com/
