Si kurrë më, parë festa e 28 Nëntorit në Prishtinë do të festohet nën masa të rrepta të sigurisë. Kjo për shkak të manifestimit të opozitës në kundërshtim të Zajednicës dhe Demarkacionit me Malin e Zi, që do të mbahet sot duke filluar nga ora 14:00 në sheshin “Zahir Pajaziti”.
Që në orët e mëngjesit, pjestarët e policisë kanë marrë detyrat e tyre për të siguruar festën por edhe manifestimin.
Portali tesheshi.com, pjesëtarët e Policisë së Kosovës kanë ardhur edhe nga qytetet tjera në Prishtinë dhe për momentin janë nëpër stacione policore, ku po mbahen takime konsultuese të cilat kanë filluar nga ora 07:00.
Gazetari i tesheshi.com ka arritur tërealizoi një foto kur nga dy autobus janë zbritur policët që kanë ardhur nga qytetet tjera. Ata janë pare pas objektit të Bibliotekës Kombëtare të Kosovës, konkretisht afër Fakultetit të Edukimit ku më pas kanë marrë rrugën nëpër stacione.
Kurse, disa autobusë të tjerë të stërmbushur me policë që sipas tesheshi.com kanë shkuar pas stadiumit të policisë, përballë RTV21, për të shkuar më pas në stacione të policisë.
Ndryshe, gjatë rrugës magjistrale Pejë – Prishtinë, patrulla të policisë janë parë duke qëndruar në pjesë të ndryshme, si në fshatin Sllatinë, ku dy vetura të policisë vëzhgonin situatën.
Derisa, në Prishtinë pothuajse në të gjitha lagjet kryesore, dhe në sheshet ku do të mbahet manifestimi por edhe festa, policia është duke vëzhguar situatën.
Nga shumë qytete të Kosovës, rreth ores 11:00, do të nisën drejt kryeqytetit dhjetra autobusë të mbushur me përkrahës të partive opozitare VV, AAK, NISMA për të manifestuar kundër dy marrëveshjeve që po i kundërshton opozita.
Ndryshe, Policia e Kosovës ka bërë thirrje për t’iu shmangur tubimeve të ndryshme për shkak në kuadër të masave preventive ndaj ndonjë sulmi të mundshëm terrorist. Opozita këtë e ka parë si politizim të policisë dhe thirrje që të pengohet manifestimi që ajo e ka thirrur për të kundërshtuar në mënyrë të qetë Acociacionin e Komunave me shumicë serbe dhe demarkacionin me Malin e Zi.
Përgatiti: Blendi Gashi /tesheshi.com/
