Ish-kryeministri kroat Ivo Sanader dhe kreu i kompanisë energjitike në Hungari-MOL, Zsolta Hernadi janë shpallur fajtor për pranimin e ryshfeteve në aferën INA-MOL.
Ish-kryeministri kroat u dënua me gjashtë vjet burg, ndërsa Hernadit iu dha një dënim dy vjet.
“Ivo Sanader ka rënë dakord me Hernadin për shumën prej 10 milion eurosh ryshfet, me kusht që kompania MOL të ishte një zë vendimtar në vendimmarjen e INA-s”, tha gjyqtari.
Përveç marrjes së një ryshfeti prej 10 milion eurosh për t’ia dorëzuar të drejtat e menaxhimit hungarezëve, ish-kryeministri gjithashtu është akuzuar se ishte pajtuar me Hernadin për të ndarë dhe pjesë të biznesit të gazit përe INA-n. Nëse aktgjykimi bëhet i formës së prerë, Sanader do të duhet t’i paguajë shtetin 10 milion euro me kërkesë të prokurorisë.
Ivo Sanader është një ndër “peshqit e mëdhenj” të rajonit që shkoi pas hekurave.
Afera MOL-INA ngjan dhe me atë CEZ në Shqipëri, ku nën akuzë janë ish-ministra nën qeverinë Berisha, apo thënë ndryshe vetë dyshja Berisha-Meta, në aleancë në mandatin e dytë të demokratëve. /tesheshi.com/
