Zakonisht, llambat që kemi në shtëpi i ndërrojmë me një frekuencë të caktuar, pasi ato konsumohen dhe nuk funksionojnë më, por jo gjithmonë ndodh kështu. Ekziston një llambë, e cila funksionon më së miri për plotë 114 vite dhe që nuk është ndërruar kurrë.
Kjo llambë jetëgjatë ndodhet në një stacion zjarrfikësish në Livermore të Kalifornisë. Është vënë në punë për herë të parë në vitin 1901. Nuk dihet dita e saktë se kur është montuar, por për traditë, ditëlindja e saj festohet çdo vit në 18 qershor.
Thuhet se llamba ka ndenjur çdo ditë ndezur gjatë gjithë këtyre viteve, përveç dy rasteve: kur është postuar nga ndërtesa e vjetër në të renë nga zjarrfikësit, në vitin 1976 dhe gjatë ndërrimit të impiantit elektrik në vitin 2013, kur ka ngelur e fikur për plotë 10 orë.
Një fizikan ka analizuar llambën dhe historinë e saj për të kuptuar diçka më shumë në lidhje me jetëgjatësinë e këtij objekti. Me sa duket, filamenti i saj është 8 voltë më shumë se i një llambe normale dhe është i bërë nga karboni, në ndryshim me filamentet normale, ku ngrohja e zvogëlon përçueshmërinë. /tesheshi.com/
