Me fitoren Real Madridit ndaj Borussia Dortmundit në finalen e Champions, Carlo Ancelotti u vendos në krye të listës së trajnerëve me më shumë trofe të kompeticionin e madh europian të klubeve.
Është tashmë titulli i pestë i Champions League për Ancelottin, ndërsa ndjekësit e parë kanë tre.
Spanjolli Pep Guardiola, francezi Zinedine Zidane dhe anglezi Bob Paisley kanë secili nga tre kurora evropiane.
Guardiola i fitoi dy titujt e parë evropianë në pankinën e Barcelonës në vitet 2009 dhe 2011 dhe vitin e kaluar me City-n. Zidane i fitoi të tre titujt me Real Madridin (2016, 2017, 2018), dhe Paisley me Liverpoolin (1977, 1978, 1981).
Ancelotti festoi emocionalisht titullin e ri dhe menjëherë vrapoi në krahët e gruas së tij Mariann Barrena Mçlay.
Përqafimi mes tyre ishte një ndër fotot më pikante të mbrëmjes së madhe në Wembley pas fishkëllimës së fundit. /tesheshi.com/
