Muajt e fundit Will Smith ka qenë një nga fytyrat më të përfolura në Hollywood dhe jo pa arsye, pasi videoja e tij duke goditur me shuplakë Chris Rock për një shaka mbi alopecinë e gruas së tij Jada Pinkett Smith në natën e ndarjes së çmimeve Oscar, u bë virale.
Çështja u kthye në qendër të vëmendjes me kërkimin e faljes së Will Smith, katër muaj me vonesë. Aktori ka postuar një video në Instagram ku thotë se ishte “i çmendur” nga ajo që dëgjoi dhe për këtë arsye nuk i kërkoi falje The Rock.
Megjithatë, tema që ka “trazuar” mediat është rikthyer sërish në lajm dhe këtë herë, me rastin e një filmi të ri me protagonist vetë Chris Rock! Filmi do të përfshijë një skenë në të cilën Rock, si një organizator eventi i quajtur Adam, goditet nga Leo (Javier Bardem), një baterist që shfaqet në skenë atë natë në një gala për mbledhjen e fondeve.
Sally Potter vuri re menjëherë paralelet midis filmit të ri “Look at Me”, i cili do të dalë më 9 shtator në Festivalin e Filmit në Venecia, dhe episodit në Oscar. “Kisha këtë ndjenjë: ‘Mirë. Kjo është interesante”, tha regjisorja 72-vjeçare në një intervistë për The Guardian.
“Unë munda të shihja se kishte një mbivendosje tematike në Oscars me filmin, se si burrat e përballojnë zemërimin e tyre. Bëhet fjalë për respektin, përulësinë dhe komunikimin. Ishte një gjest i trishtuar dhe unë do të thoja një përgjigje të denjë nga Chris. “Look at Me” është një film që thumbon si një shuplakë në fytyrë”, tha Potter.
Përveç disa deklaratave, Chris Rock i cili u gjend në qendër të vëmendjes pas shuplakës së famshme, nuk u mor më shumë me ngjarjen, duke mbajtur një qëndrim neutral pa deklarata madhështore. “Unë e kuptoj plotësisht këtë. Kush do të donte të njihej nga diçka që i ka ndodhur dhe jo nga diçka që kanë bërë?”, tha kineastja e filmit të ri, ndërsa pranoi se ky “përçmim” i Chris Rock do të rrisë interesin e njerëzve për filmin ku ai luan.
Filmi me metrazh të shkurtër, me titull “Look at Me”, mund të përkthehet si një lutje nga Rock, që bota të shikojë punën e tij, duke harruar incidentin në Oscar. /tesheshi.com/
