Aktori Will Smith u largua nga Akademia Amerikane e Arteve dhe Shkencave të Filmit pasi goditi me shuplakë komedianin Chris Rock në Oscar.
Akademia tha se pranoi dorëheqjen e tij, por do të vazhdonte me masat disiplinore ndaj tij.
“Sjellja ime në ndarjen e çmimeve të Oscar-it të 94-të ishte tronditëse, e dhimbshme dhe pa justifikim”, tha aktori në një deklaratë.
“Kam tradhtuar besimin e Akademisë. Të nominuarve dhe fituesve të tjerë ua kam mohuar mundësinë që të festojnë dhe të gëzohen për punën e tyre të jashtëzakonshme”, thuhet në deklaratën e aktorit.
“Po largohem nga anëtarësimi në Akademi dhe do të pranoj të gjitha pasojat e ardhshme që Bordi i konsideron të përshtatshme”, shtoi ai, duke pranuar se akti i tij la në hije vetë ceremoninë e ndarjes së çmimeve të Akademisë.
Kujtojmë, ai goditi me shuplakë komedianin Chris Rock, drejtuesi i ceremonisë, në 94-tën e ndarjes së çmimeve Oscar, pasi ai bëri shaka me gruan e tij Jade Pinkett, e cila i ka flokët e rënë për shkak të alopecisë.
Po atë mbrëmje, Smith fitoi një Oscar për aktorin më të mirë për rolin e tij në “King Richard”, ku luajti babain e tenisteve Venus dhe Serena Williams. /tesheshi.com/
