Risi të reja shumë shpejt në Facebook. Mark Zuckerberg, në një takim të mbajtur ditën e djeshme në Menlo Park ka lajmëruar se Facebook po punon për të krijuar opsionin ‘dislike’ (nuk më pëlqen), i cili mund të shfaqet shumë shpejt në disa postime.
“Ka vite që përdoruesit po na kërkojnë të shtojmë edhe tastin ‘nuk më pëlqen’. Tani kemi vendosur të ndjekim sugjerimet e tyre si dhe jemi duke punuar për të krijuar diçka që mund të kënaqë këtë komunitet”,- thotë shefi i Facebook.
Sipas Zuckerberg, tasti ‘dislike’ mund të ndihmojë personat për të shprehur më mirë empatinë relative në lidhje me ato që ndodhin e Facebook. Mirëpo, në të njëjtën kohë puna e inxhinierëve nuk do të jetë aspak e thjeshtë.
Sipas direktivave të CEO-s, pulsanti ‘dislike’ nuk do të jetë i disponueshëm për çdo postim, por vetëm për disa prej tyre. Mund të jetë një mënyrë për të shprehur solidaritet ose zhgënjim nga diçka e trishtuar, si një zi, një zjarr, një aksident apo të tilla ngjarje të ngjashme.
Sfida e vërtetë do të jetë të kuptohet se si do të procedojnë zhvilluesit. Me shumë mundësi tasti ‘nuk më pëlqen’ mund të shfaqet vetëm në zgjedhje vendimtare të opsionit ‘ndihem…’. Kjo pasi, sipas Zuckerberg, përdoruesit e Facebook nuk duan të japin mendime negative në postimet e të tjerëve, por vetëm për të shprehur mbështetje kur diçka që shpërndahet është e trishtuar./tesheshi.com/
