E gjithë bota e automobilizmit ka lëshuar miliona mesazhe inkurajuese e urime për 49-vjetorin e lindjes së pilotit më të madh të Formula 1, Michael Shumacher.
Edhe pse gjermani prej vitesh ndodhet në gjendje kome, ka ende shpresë për rikthimin e tij në normalitet. E për sa kohë ka shpresë, ka edhe lutje për shërimin e tij.
Shumacher fitoi 7 tituj botërorë në Formula 1. Për herë të parë u shpall kampion në vitin 1994, duke u bërë gjermani i parë që fitonte titullin në këtë sport. Një vit më vonë përsërit suksesin, e me 2 tituj rradhazi të fituar, u pa si i duhuri për të kaluar tek Ferrari.
Mbi timonin e Kokëkuqes, gjermani shkroi një tjetër histori. 5 tituj të tjerë nga viti 2000 e deri në 2004. Shumacher arriti në karrierën e tij 68 pole position, 77 herë bëri xhiron më të shpejtë në pistë dhe në 155 raste, u ngjit në podium.
Shumacher njihet edhe për shumat rekord që ka dhënë për bamirësi, si edhe për ndihmën që ka dhënë në rritjen e talenteve që ushtrojnë sportin e Formula 1. /tesheshi.com/
