Kryeministri Edi Rama nuk po përton të reagojë ndaj kritikëve lidhur me pamjen e re që do marrë stadium “Qemal Stafa”, edhe pse për çështje të tjera më të mprehta zgjedh të mos përgjigjet. Një ditë pasi replikoi me PD-në, duke i ofruar dhe shembuj stadiumesh nëpër botë në modelin e së cilit do shndërrohet “Qemali” në Tiranë, të dielën ai e ka vijuar replikën e tij me zëra të tjerë shqërorë jo doemos politikë. Dhe e ka patur me ata që në emër të të qënit të stadiumit kombëtar “Monument Kulture”, duke iu ofruar shembullin e Uemblit të famshëm londinez.
“A ishte Wembley i vjetër një monument kulture? Jo vetëm ishte një perlë e trashëgimisë kulturore, por edhe një monument i historisë së futbollit botëror, jo thjesht anglez. E megjithatë, erdhi koha që të shembej për t’ia lënë vendin Wembley-it të ri, sepse ashtu siç ishte, produktivitetin e kishte minimal, ndërsa kostot e mbajtjes së tij në jetë ishin të jashtëzakonshme. Sot, Wembley i ri, i ngritur në të njëjtin truall, është një stadium ultramodern i gjeneratës së fundit që ofron kushte fantastike për futbollin, por edhe ofron për publikun shërbime, argëtim, relaks, gjatë gjithë ditëve të javes”. Po ‘Qemal Stafa’?! I cilësuar monument kulture vetëm për shkak të fasadës së tribunës qëndrore, ndërkohë që gjithçcka ka në pjesën tjetër është monument vulgariteti, degradimi, pisllëku, ‘Qemal Stafa’ nuk përmbush as kushtet minimale për ditën e futbollit, lerë pastaj për të shtatë ditët e javës…”, argumenton shefi i qeverisë shqiptare.
Debati mbi të ardhmen e afërt të stadiumit “Qemal Stafa”, po zëvëndëson me shpejtësi rrufe atë mbi arrestimin dhe bëmat e Shullazit e lidhjet e tij me politikën. E.H – /tesheshi.com/
