Ish-kryetari i bashkisë së Dibrës, Shukri Xhelili është dënuar me 2 vite e tetë muaj burg por ka gjasa që të mos bëjë asnjë ditë, për shkak të llogaritjes së ditëve të paraburgimit.
Ky është vendimi i Gjykatës së Krimeve të Rënda pasi pranoi kërkesën për gjykim të shkurtuar. Shukja u dënua për shfrytëzim detyre dhe abuzim seksual në vendin e punës.
Gjykata e shpalli fajtor Xhelilin për akuzat e ngritura nga Prokuroria, duke e dënuar me katër vjet burg.
Por për shkak të gjykimit të shkurtuar ai përfiton uljen e 1/3 së dënimit.
Avokati i Shukri Xhelilit, Qazim Gjonaj, shprehu pretendimet e tij duke kërkuar pafajësinë pasi sipas tij gjithçka ka qenë e manipuluar.
Krahas burgut, ish-kryebashkiakut Xhelili i mohoet e drejta për pesë vjet për të ushtruar funksione publike.
Shukri Xhelili u denoncua në maj të vitit 2016 ku ish-kryebashkiaku kërkonte favore seksuale në këmbim të një vendi pune. /tesheshi.com/
