Ka vdekur në moshën 116-vjeçare, personi më i vjetër në botë, japonezja Tomiko Itoka, njoftoi autoriteti komunal i qytetit Ashiya (Japonia jugore), ku ajo jetonte.
Itoka, e cila kishte katër fëmijë dhe pesë nipër e mbesa, vdiq në shtëpinë e të moshuarve ku jetonte që nga viti 2019, tha komuna Assiya në një njoftim për shtyp.
E lindur më 23 maj 1908 në Osaka, jo shumë larg Ashiya-s, ajo u njoh si personi më i vjetër në botë pas vdekjes në gusht 2024 të spanjolles Maria Branias Morera në moshën 117-vjeçare.
“Itoka na dha kurajo dhe shpresë gjatë gjithë jetës së saj të gjatë,” komentoi kryebashkiaku i Ashiya-s Ryosuke Takashima. “E falënderojmë për këtë”, theksoi zyrtari 27-vjeçar.
E ardhur nga një familje me tre anëtarë, një volejbolliste në rininë e saj, Tomiko Itoka kishte përjetuar luftëra, pandemi dhe revolucione teknologjike.
Vitet e fundit, ajo ishte e dhënë pas bananeve dhe Calpisit, një pije shumë e njohur në Japoni e bazuar në fermentimin laktik, thuhet në njoftimin për shtyp të bashkisë. /tesheshi.com/
