Ka vdekur në moshën 80-vjeçare poetja amerikane Louise Glück, e kurorëzuar me çmimin Nobel për Letërsinë.
Ky informacion u konfirmua të premten për Agence France Presse nga Universiteti Yale, ku ajo dha mësim.
Gruaja e lindur në New York, e cila konsiderohet si një nga figurat më të mëdha në poezinë amerikane, mori çmimin Nobel 2020 për “zërin e saj të pagabueshëm poetik që e bën përvojën individuale universale me bukurinë e rreptë”.
Kështu ajo u bë gruaja e 16-të që merr çmimin Nobel për Letërsinë.
Glück ishte gjithashtu fitues i çmimeve më prestigjioze letrare amerikane, duke përfshirë çmimin Pulitzer dhe Çmimin Kombëtar të Letërsisë. /tesheshi.com/
