Një vizionar që parashikoi kompjuterët personal dekada përpara se të bëheshin pjesë e jetës sonë të përditshme
Gordon Moore, një nga njerëzit që themeloi Intel dhe krijoi Silicon Valley, ka ndërruar jetë në moshën 94-vjeçare.
Ai është përgjegjës për parashikimin e famshëm se fuqia përpunuese e kompjuterëve do të dyfishohet çdo vit.
Dy dekada përpara se të fillonte revolucioni kompjuterik, Moore shkroi në vitin 1965 se qarqet e integruara kompjuterike, një shpikje relativisht e re në atë kohë, “do të na sjellë mrekulli të tilla si kompjuterët e shtëpisë, apo edhe terminalet e lidhur me një mainframe”. Ai parashikoi automatizimin në makina, si dhe pajisjet e komunikimit personal, shumë kohë përpara se të shfaqeshin telefonat celularë dhe telefonat inteligjentë.
Pas përfundimit të doktoraturës në vitet 1950, Moore punoi në Fairchild Semiconductor, e cila prodhonte transistorë dhe qarqe të integruara.
Në vitin 1968 ai u largua me Robert Noyce dhe ata themeluan Intel, i cili sot është një nga gjigantët e elektronikës.
Nga fundi i jetës së tij, Moore iu drejtua filantropisë, duke krijuar me gruan e tij një fondacion të fokusuar në mbrojtjen e mjedisit.
Në vitin 2002, Moore iu dha Medalja e Lirisë, nderimi më i lartë që u jepet qytetarëve amerikanë. /tesheshi.com/
