Brezi që ka jetuar vitet ‘80-të, e mbajnë mend Pino D’Angiò, i njohur gjithashtu si Giuseppe Chierchia, si një nndër emrat më të shquar të muzikës italiane të atyre viteve.
Ai vdiq këtë të shtunë, në moshën 71-vjeçare, pas një sëmundjeje të gjatë.
Giuseppe Chierchia, emri i vërtetë i Pino D’Angiò, lindi në 1952 në Pompei. Gjatë karrierës së tij ai shkroi për artistë si Mina dhe punoi si producent muzikor në RAI, duke përhapur muzikën e tij nëpër botë përmes turneve të shumta.
D’Angiò shkoi përtej kufijve italianë dhe u vlerësua në të gjithë botën si aktor, aktor zëri dhe producent muzikor.
Karriera e tij artistike përfshinte punën me artistë të shumtë të famshëm dhe ai la një ndikim të qëndrueshëm në skenën muzikore.
Ndër hitet më të famshme të tij ishte “Ma quale idea”, intepretuar në Sanremo.
Ai ishte gjithashtu një nga themeluesit e Ekipit Italian të Futbollit të Muzikantëve, duke bashkëpunuar me muzikantë të famshëm si Mogol, Eros Ramazzotti, Riccardo Fogli, Gianni Morandi dhe Andrea Mingardi. /tesheshi.com/
