Jiang Yanyong, ish-kirurgu i ushtrisë që ekspozoi mbulimin nga autoritetet kineze të shpërthimit të SARS në 2003, ka vdekur në moshën 91-vjeçare.
Yanyong vdiq nga pneumonia të shtunën më 11 mars në Pekin, njoftuan miqtë e familjes dhe mediat në Hong Kong.
Dr. Jiang u lavdërua për shpëtimin e jetëve pasi shkroi një letër në fillim të krizës SARS që zbuloi se zyrtarët po minimizonin kërcënimin, kujton BBC.
Mjeku i famshëm ishte për pak kohë në arrest shtëpie për çiltërsinë e tij të patundur.
Në vitin 2003, SARS infektoi më shumë se 8,000 njerëz në mbarë botën. Nga këto, 774 vdiqën, sipas të dhënave të Organizatës Botërore të Shëndetësisë (OBSH).
Zbulimet e tij detyruan qeverinë kineze të pranonte se kishte keqinterpretuar shpërthimin dhe e shtynë OBSH-në të merrte masa.
Kërcënime të vazhdueshme
Yangyong u bëri thirrje udhëheqësve të Partisë Komuniste Kineze të pranojnë se shtypja e demonstratave në sheshin Tiananmen në 1989 ishte e gabuar dhe se qindra, ndoshta mijëra, civilë u vranë në këtë proces.
Ai shkroi se si natën që tanket dolën në shesh, ai ishte kryekirurgu në spitalin kryesor ushtarak në Pekin dhe se ushtarët po qëllonin në turmë.
Jo shumë kohë pas publikimit të lajmit, policia e ndaloi atë dhe gruan e tij.
Kjo nuk e ndaloi atë dhe në vitin 2019 ai i shkroi një letër presidentit kinez Xi Jinping duke dënuar përsëri shtypjen e protestuesve.
Pas kësaj iu caktua masa e arrestit shtëpiak. /tesheshi.com/
