Ish-presidenti i Kilit, Sebastián Piñera, 74 vjecc, vdiq në një aksident me helikopter në jug të vendit, shkruan Reuters.
Një ish-këshilltar i Piñeras konfirmoi për Reuters se ish-presidenti 74-vjeçar i Kilit nuk i mbijetoi rrëzimit të helikopterit.
Nga përplasja kanë pësuar lëndime trupore tre persona që ndodheshin në helikopter me Piñera.
Agjencia kombëtare e menaxhimit të fatkeqësive në Kili, SENAPRAD, konfirmoi se helikopteri që transportonte Piñeran u rrëzua në qytetin jugor të Lago Ranco.
Piñera ishte president i Kilit për dy mandate – nga 2010 në 2014 dhe nga 2018 në 2022.
Gjatë mandatit të tij të parë, Kili përjetoi një ekspansion ekonomik dhe pati rënie të papunësisë.
Mandati i dytë i Piñeraa u shënua nga protesta të dhunshme kundër pabarazisë. Autoritetet kiliane u përballën më pas me akuza për shkelje të të drejtave të njeriut dhe protestat përfunduan kur qeveria premtoi të hartonte një kushtetutë të re.
Piñera ishte kreu i Kilit kur vendi po luftonte pandeminë e koronavirusit. Kili është një nga vendet që vaksinoi popullin e tij më shpejt kundër COVID-19.
Për më tepër, mandati i parë i Piñeras u shënua nga operacioni spektakolar i shpëtimit të 33 minatorëve që u bllokuan nën shkretëtirën Atacama në 2010. Kjo ngjarje u bë një sensacion global dhe në vitin 2014 u realizua një film për të, “33”.
Para se të përfshihej në politikë, Piñera u diplomua në Universitetin prestigjioz të Harvardit me një diplomë në ekonomi. Ai bëri pasuri kur prezantoi kartat e kreditit në Kili në vitet 1980.
Revista Forbes vlerësoi se pasuria e tij personale në vitin 2024 ishte 2.7 miliardë dollarë.
Piñera ishte i përkushtuar dhe konkurrues dhe një nga miqtë e tij një herë tha se ai nuk ishte i panjohur për sjelljet ngacmuese dhe se nuk dinte të delegonte.
Përveç kësaj, ai shpesh ndërmerrte rreziqe, donte të fluturonte me helikopter dhe i pëlqente të zhytej. /tesheshi.com/
