Ka ndërruar jetë në moshën 58-vjeçare, Gianluca Vialli, futbollisti legjendar italian, raportojnë mediat nga Apeninet.
Vialli vdiq nga kanceri në pancreas, pasi njëzet ditë më parë u raportua se legjenda e Juventusit ishte në gjendje të rëndë.
Ai u trajtua në një klinikë në Londër, ku nëna e tij Tereza dhe anëtarët e familjes së tij ishin me të në ditët e fundit.
Sulmuesi legjendar e filloi karrierën e tij në Cremonese përpara se të transferohej në Sampdoria në 1984.
Gjatë kohës së tij në klub, ai lidhi një partneritet të artë me Roberto Mancinin që e çoi skuadrën drejt titullit të ligës dhe finales së Ligës së Kampionëve.
Në vitin 1992, ai u transferua në Juventus dhe përfundimisht u bë kapiteni i klubit.
Veprimi i tij i fundit me Bianco Nero ishte ngritja e trofeut të Ligës së Kampionëve përpara se të transferohej në Chelsea, ku përfundoi karrierën e tij në 1999.
Vialli do mbetet një nga emrat më ikonikë të futbollit italian, me një karrierë brilante në vitet ’90-të.
Atij i dedikohet dhe ringritja e Chelsea në majat e futbollit anglez, së bashku me Gianfranco Zola-n, të dy ish-sampdorian të kohëve të arta të kësaj skuadre. /tesheshi.com/
