Sulmuesi francez Just Fontaine, i cili mban rekordin për numrin e golave të shënuar në një Botëror të vetëm me 13 sosh në vitin 1958, ka vdekur në moshën 89-vjeçare.
Gjithashtu, ai shënoi 30 gola në 21 ndeshje ndërmjet viteve 1953 dhe 1960 për Les Bleus, përpara se lëndimet t’ia shkurtonin karrierën, raporton Mirror.co.
Gjatë karrierës së tij në klub, Fontaine luajti për USM Casablanca, Nice dhe Stade Reims. Ai fitoi katër herë ligën e parë franceze, si dhe Kupën e Francës dhe Superkupën e Francës.
Ai u detyrua të tërhiqej në moshën 28-vjeçare pasi theu këmbën dy herë radhazi. Por pavarësisht se luajti vetëm në një Kupë Botërore, ai mbetet i katërti në listën e golashënuesve më të mirë të të gjitha kohërave të kompeticionit, pas Miroslav Klose (16), Ronaldo i Brazilit (15) dhe Gerd Muller (14).
Ai ndan fronin me legjendën argjentinase Lionel Messi me 13 gola, si me francezin Kylian Mbappe dhe legjendën braziliane Pele, me një gol pas në 12 golat e tyre.
Pasi u tërhoq nga futbolli në vitin 1962, ai themeloi Unionin Kombëtar të Futbollistëve Profesionistë përpara se të kalonte në menaxhim. Ai drejtoi ekipin francez në vitin 1967 përpara se të drejtonte Luchon, Paris Saint-Germain, Toulouse dhe ekipin kombëtar të Marokut, të cilin e udhëhoqi në vendin e tretë në Kupën e Kombeve Afrikane në vitin 1980. /tesheshi.com/
