Kampioni i trefishtë botëror i Formula 1, Niki Lauda, ka ndërruar jetë mbrëmë në moshën 70-vjeçare. Legjenda austriake ishte një nga figurat më të njohura në garat motorike dhe mori titullin për Ferrari në vitet 1975 dhe 1977 si dhe për McLaren në vitin 1984.
Shumë njerëz e kujtojnë për shërimin e tij të mrekullueshëm dhe kthimin në gara pasi u dogj keq në një aksident në garën e Grand Prix në 1976-tën, e cila po mbahej në Gjermani.
Lauda, i cili iu nënshtrua transplantit të mushkërive në muajin gusht, “vdiq paqësisht pranë të dashurve”, tha familja e tij.
Pas karrierës së tij si shofer garash, ai u bë sipërmarrës i aviacionit, dhe së fundmi, kryetar jo-ekzekutiv për Mercedesin në ekipin e Formula 1.
Ai ndan edhe meritat e zbulimit të pilotit britanik Luis Hamilton, i cili ka fituar pesë kampionate botërore. /tesheshi.com/
