Shuhet në moshën 66-vjeçare një nga aktoret më të njohura shqiptare, Hajrie Rondo. Ajo ndërroi jetë në Himarë, pas një sëmundjeje të rëndë.
Disa muaj më parë Rondo i është nënshtruar një ndërhyrjeje kirurgjikale në kokë, por nuk ja ka dalë dot mbanë të fitojë betejën me sëmundjen.
Pak kohe më parë aktorja mori çmimin ‘Simbol i Qytetit’ nga kryebashkiaku i Tiranës Erion Veliaj. “I thashë sëmundjes ik tutje se kam pak punë”, ishin fjalët e saj teksa mori çmimin simbolik, por që siç duket nuk i është bindur.
Aktorja ka lindur më 1 mars të vitit 1951 në Delvinë dhe ka jetuar për një kohë të gjatë në qytetin e Fierit.
Hajrie Rondo ka qenë një aktore me diapozon të gjerë. Ajo ka interpretuar në të gjitha gjinitë. Rondo ka luajtur rreth 120 role në teatër dhe rreth 40 role në filma.
Prodhimet kinematografike ku aktorja Hajrie Rondo ka interpretuar:
Ballkan Pazar (2011)
Ne dhe Lenini (2009), ……………………….. Semihaja
Dhimbja e dashurisë (2008) serial
Tifozët (2004) – (TV), …………………………. Frosa
Borxhliu (1999) – (TV), ……………………….. Fija
Dashuri në krisma – (1997) (TV), …………. Zenepja
Gjithë fajet i ka paraja – (1996) (TV)
Pesha e kohës – (1988), ……………………… Evanthia
Një vit i gjatë – (1987), ………………………… Donika Saro
Përrallë nga e kaluara – (1987), …………… Tana
Kush vdes në këmbë – (1984), …………….. Lina
Një emër midis njerëzve-(1983)
nëntori i dytë – (1982), ………………………… Lima Kepiego
Agimet e stinës së madhe, – (1981), ……… Xifja
Vëllezër dhe shokë – (1980), ………………… Mara /tesheshi.com/
