Nipi dhe kujdestari i trashëgimisë së revolucionarit komunist rus Leon Trotsky, Esteban Volkov, ka vdekur në Meksikë në moshën 97-vjeçare, ka njoftuar muzeu që ai themeloi.
“Drejtori, partneri dhe miku ynë Esteban Volkov u largua nga kjo botë në moshën 97-vjeçare”, tha në Facebook nga Muzeu i Shtëpisë Leon Trotsky.
Muzeu ndodhet në shtëpinë në Meksikë ku Leon Trotsky, i mërguar aty nga janari 1937, jetoi deri në vrasjen e tij në gusht 1940.
I lindur në atë që sot është Ukraina në vitin 1926, Esteban Volkov mbërriti në Meksikë në moshën 13-vjeçare, falë lëvizjeve të gjyshit të tij. Nëna e tij, Zinaida – vajza e Trotsky-t – kreu vetëvrasje në Paris, ku po ikte nga policia sekrete e Joseph Stalinit, ndërsa babai i tij u dërgua në gulag në vitet 1930.
Ai u konsiderua si dëshmitari i fundit okular i gjallë në Meksikë për vrasjen e Leon Trotsky-t, i cili u vra nga një goditje në kokë me një kapëse akulli nga agjenti sekret spanjoll i NKVD Ramon Mercader.
Në një intervistë që dha për BBC, Esteban Volkov tha se po kthehej nga shkolla kur kuptoi se para shtëpisë ku jetonte gjyshi i tij ishte një makinë patrulle policie dhe më pas pa kufomën e përgjakur të Trotskyt të shtrirë në tokë.
Pas krimit, Volkov mbeti në Meksikë, ku studioi kiminë dhe themeloi në vitin 1990 muzeun në shtëpinë e vjetër të Leon Trotsky-t, në lagjen e njohur Cojacan të kryeqytetit meksikan.
Esteban Volkov “përfundoi detyrën më të rëndësishme të jetës së tij: mbrojtjen e ideve dhe rrugës së gjyshit të tij”, tha muzeu në një deklaratë. /tesheshi.com/
